सत्ति/टिकापुरको सत्तिमा रहेको अस्थायी ट्राफिक प्रहरी पोष्टका इन्चार्ज जयहरि चन्दलाई एक कार्यक्रमका बिच विदाई गरिएको छ।
यहाँ स्थित विभिन्न कार्यालयका प्रमुख , स्थानीय ,व्यापारी र पत्रकारहरुले चन्दको कार्यकालमा ट्राफिक सचेतनामा नागरिक तहमा पुर्याएको योगदानको सम्मान स्वरूप विदाई कार्यक्रमको आयोजना गरेको हो। 
सोही कार्यक्रममा अस्थाई ट्राफिक प्रहरी कार्यालय सत्तिको नयाँ इन्चार्जको रुपमा आएका मोहन राज भट्टलाई स्वागत गरिएको छ । भट्ट प्रदेश ट्राफिक प्रहरी कार्यालय अत्तरियाबाट सरुवा भएर आएका हुन्।
विदाई तथा स्वागत् कार्यक्रममा विभिन्न महानुभावले शुभकामना मन्तव्य राखेका थिए ।
मन्तव्यमा स्थानीयले पनि उनले नागरिक प्रति गर्ने व्यवहारको प्रशंसा गरेका थिए । चन्दले यसक्षेत्रका ट्राफीक व्यवस्थापन, ट्राफिक सचेतना, विद्यालय अभिमुखीकरण कक्षा, जेब्रा क्रसिंग निर्माण, साइकल यात्री तथा मोटरसाइकल चालकलाई नियमको जानकारी दिने लगायतका सराहनीय कार्य गरेका थिए। उनको अछाम सरुवा भएको जानकारी प्राप्त भएको छ ।
समाचार 
